ياما حلا في خايعٍ تو ماسال

[سعود القت]

ياما حلا في خايعٍ تو ماسال = سج القدم في شف حسك الشعافي
ورثٍ لنا نشقابها عبر الاجيال = متمكنه بقصى الضلوع النحافي
ابنوك تصرف مرجله واطيّب المال = يا سعد من صابه عليها شعافي
نتبع بها القافر ويزبر بها الحال = قدام وقت المعلفه والعلافي
مدهالها الصمان عن كل مدهال = إله بضمايرها حنين اولافي
ترايع لمقهورها دون وبال = مثل السفن لاعودت للمرافي
وليا اوده الراعي شفوقات وعجال = متبخترات وكن فيها إخفافي
متيهه وارقابها سند وطوال = وسنامها زابر ومايل خلافي
وخرطومها متهدلٍ كنه هلال = متهيزعٍ عرقوبها للخفافي
وكن الرقيعي فوقها حبة الخال = في خد مجلي الثمان الرهافي
يازينها والعشب له عدة اشكال = مترايعه في مخضرات الفيافي
محاجرٍ جاها من الوسم وبال = تلاعج ابمنشاه وإله ارتجافي
متبسمٍ مقدمه وآخره همال = طفاح ربانه حقوقٍ وضافي
رحمه من المولى بعد طول الامحال = لاسقت شوفك ما تمل الوقافي
شفي وكلٍ له طموحات وآمال = وانا هوى بالي تبين بقافي