بشارة خير

[عبدالله الشويمان]

السلام عليكم ورحمة الله وبركاته..

إخواني الأعزاء.يقول المثل لكل حادثٍ حديث..

فاترككم مع هذه الابيات اتمنى ان تجد القبول.والله المستعان..


اذا من الغيم صوتٍ جاك زينا=بشارة خير يا نمر الجبالي
واذا الرجال له عقلٍ رزينا=فيلزم ما يناظر للميالي
ألا يا قايل الابيات فينا=ونحسبها حسن نيه زلالي
نجاريها وبممشاها مشينا=ونشريها بجزلات الحلالي
على نهج الرجال الطيبينا=انا انهج نهجهم ويطيب فالي
معلمني حَسن خلقٍ ودينا=ابو سليمان ابوي اللي صفالي
عسى الله يرحمه جاه اليقينا=عقب ما جاد فينا بكل حالي
يابن منشار خالد خذ يقينا=دمحنا زلتك في صوت عالي
عسى نفس الرحوم اللي يلينا=تثاب من الولي رب الجلالي
فلا تبكى وأرح قلبٍ وعينا=وخذ فنجال من طيِّب إدلالي
وإنس الماضي بمدت يمينا=سلام الله عليك الضغن زالي
وهذي من سمات المسلمينا=تخلي الوصل مشدود الحبالي
عسى التوفيق يا الصاحب يجينا=ولا نسلك سوى دربٍ عدالي
عبدالله الشويمان-الرعد