الشّال

[عمر ال شيبي]

يا راكبن بابور خطّه الحديدي =صوب الحجاز العين تطلب لقاها
لجل الرفق حنّيت قول ٍ مجيدي = عقب العنا والظيق دورة رحاها
اسماعِيَه بالليل جرش ٍ مديدي = كنّي فطيم النوق سارح بلاها
لا شفتها بالعين شي ٍّ فريدي= لا شفتها مقياس مقرط عصاها
نور ٍ صفا للروح قبل الرعيدي = نورٍ هفا بالقلب يصحب عناها
لين التوادع شين ينحر وجيدي = بين الشبر واليد خمس ٍ مساها
متعب خفايا روح بوح الرويدي = حب ٍ حقيقة شوق قلبن هواها
يا لايمي بشروح مدّ العبيدي = وشبك تزيل الشّال ازرق سماها
مالك قلب وعيون ترعى البعيدي=مالك شقيق اليوم ترعى بحماها
لاهي بتوه البال لا هيْب جريدي = وانت القريب اللي يِعنّي دماها
واسمك رحب يعبيد منك الرّفيدي = منك الغلا بشراق نور ٍحلا ها
لا يا فهيم الكيف خطك بليدي = خطك علم وعلوم ضيع لواها
ما يفتِهم نهاش جرح الوريدي = لين الالم ضربات راس ٍ تباها
وسط الغزو والناس صرخ ٍ عديدي = ما لل بزر دوار حر ٍ صلاها
هذي بقايا جروح خلع الوتيدي = هذي رخاوي اطناب بيت ٍ حماها
والله ورب البيت ما نيْب عميدي = لكن عميد القوم مات بغلاها
يا لايمن لجات صبح الشّديدي = واسمع ترى مليت عمد ٍ سلاها
واسال عقيد القوم وشبهْ الحّريدي = دام الرفق مفساد جو ٍ عماها
اسال عن البدوان يومن تريدي = اسال عن المصلوخ جرين ولاها
تلقى علوم العين فكر العويدي = تلقى فعل وافعال ما هيْب رواها
واختم ثلاث اوهام نوّ الرّميدي = جمر المكايف كيف ما هوْب زواها
حب القلب والروح مطلب زويدي = يا راكِبن بابور صوبن نواها


بابور = قطار