على الله يا زمان الصمت وش بك ما تصرفها

[عمر ال شيبي]

يقولوا اللي زرع ورده بارض البور يسقيها =ثلاث ايام كل اسبوع من نبضاته يهديها
سماد الارض في وقته مع التعشيب يحميها=من امراض النفوس اللي بتجرح من يوالفها
ترى طبع الحسود اجوف طماعه ما بتحصيها =لو انّه يملك البستان ورد كْثير ماضيها
ملات الكون ما يرحم عيونه كيف يخفيها= مُناه الأمس والحاضر يغث النفس مقرفها
وقل لك كيف لك تضحك بيوم انّك تِجليها= سعاده بصمت ما يوصف تشوفه بقمره يضويها
صباحاً مع هوى نفس ٍ تندي بشوق معطيها =صفا روح الحلا كله كما طفلن يغلفها
حفيف اوراقها فرحه دليل الحب من فيها=ألا ياليتها تكبر وتسمو في روابيها
وشوف ابْها اماني اقلوب وسع الكون وغليها =كما المشتاق لي خله عقب غيبه يعاطفها
سلام ٍ حاني من هادي بشوق العين مرسيها = على صف الرموش اللي بتعلن ما سكن بيها
همومِ غْمام وفْراق ٍ يعاند سنّ حانيها = الا يا ليتها تنسى عصيفن كان يعصفها
برد يحرق كواة النار يوم انها تعديها = على المطراف رايات ٍ علامات العنا فيها
بروح اللي وطن به هم ما يدري تواليها = على الله يا زمان الصمت وش بك ما تصرفها
تراها بحظ من يسلك دروب الشين مخفيها= بوجه النور منسلّه وتال الليل ياذيها
كما العسال يوم انه يبي نعجه يحديها = يغيص بلحظة ٍ يقفز بانيابه ويخطفها