عـــلى كيــــفك

[الآكيد]

عامين في حبه وانا اقول مسموح=اجرح على كيفك تراني سموحي
دام المحبه تاخذ القلب والروح=انت الحبيب وخل دمي نزوحي
والقلب لو يشكي من الحب مطروح=خله على درب الموده طموحي
درب الهوى لو يعترض فيه ساموح=رغم العوايق خل قلبك صفوحي
ياحالي المنطوق من هرج ومزوح=خابرك في هرجك تحب المزوحي
فيك ابتسامه سحر والقلب مفضوح=من طيب قلبك فالمواجه تبوحي
مكتوب حبك بالقلم داخل اللوح=مااقدر على فرقاك ياروح روحي
اسهر طوال الليل والقلب مجروح=صابر على همك رجاء لاتروحي
قدر محبة من شكى الحب مذبوح=عامين يبني مايهد الصروحي
والحب كله جرح والبحر مملوح=والطب والله مايداوي جروحي
وعيب(ن) على الرجال في سره ايبوح=لو كان سره فالمحبه ذبوحي
=خالد عتيق النفيعي