قصيده رثاء في الامير الراحل عبد المجيد نشرت هذا اليوم الثلاثاء في الرياض وعكاظ

[مهدي الحبابي]

أخواني أعضاء وزوار هذا الصرح الشامخ يسرني أن أقدم لكم هذه الابيات الذي قلتها في الامير الراحل عبدالمجيد بن عبدالعزيز رحمه الله وأسكنه فسيح جناته والذي تم نشرها هذا اليوم الثلاثاء الموافق 21/4/1428هـ في كل من :-

جريدة عكاظ - وجريدة الرياض

إليكم كما نشرة





يا الله يا حي يا قيـوم يـا ذا الجـلال = يا خالق الكون ما يخفاك غيب الصدور

أنت العظيم الذي بيديك عـدل الميـال = وبيدك تصاريف ذا الدنيا وبأمرك تدور

من بعدها يا هجوس الشعر جالي مجال = اليوم يا هاجسي موقف ولا أنت معذور

في موقف الجمل جملني وشد الرحـال = انت الخوي الوفي اللي معي ما يبـور

خابرك وأعرفك ما تأتي بغير الإجـزال = من فضل ربي وتوفيقه تجي بالبكـور

وخابرك ما تذخر الطيب وتوفي الرجال = أحقوقهم يا خويي في جميـع الأمـور

واليوم يومك ولا يحتاج طول الجـدال = أبغيك تنقل عزاي وما بصدري يـدور

للقائد وكافة الأسرة علـى كـل حـال = أولاد عبدالعزيز بمن نزل في القبـور

عبدالمجيد الفقيد اللي يحقـق لآمـال = اللي له الكل يشهد صدق من دون زور

اللي عطوف على المحتاج لو قال طال=ومدات جوده وفيه ما لحقه القصـور

عساه في جنة الفردوس منزلـه عـال=وقبره من أرياض جناته ويغشاه نـور

رحل ولكـن حبـه ثابـت ولا يـزال= عند القيادة وعند الشعب ما فيـه زور



مهدي بن مسفر بن عليان الحبابي

وادي الـــــدواســـــر