(النار ماتحرق إلاّ رجل واطيها).،.،.،.،.،

[عبدالعزيز العمار]

السلام عليكم

وكل عام وأنتم بخير....

.

.

عندما تصول الكلمات في النفس وتجول بحثاً عن المجهول
ويصبح الفكر حائراً ومندهشاً في نفس الوقت من هذا المجهول عندما
يكون معلوماً ولكنه يختفي خلف ستار الليل وتحت جنح الظلام كي لا تراه العين ..
ومع هذا الإظطراب الحسي والنفسي اجتمعت هذه الكلمات مع بعضها
وكوّنت قصيدة صيغت من نسيج الواقع لا الخيال فخرجت بهذه النتيجة النهائيه!!








لا بارك الله في شخص ٍ شال الاحقادي=يزرع في قلبه يحسْب انه بيجنيها
يازارع الحقد لا ترقب له احصادي=فكّر قبل لا تهين النفس وتنهيها
ان كنت مقدام يالحصني ووقادي=فاشحذ سلاحك وقرّب في مواطيها
احذر عرين الأسد واحسب له ابعادي=لا تامنه في حياتك يوم يفنيها
سار القلم ياعديل الروح لك غادي=يانور عيني وهي لعيونك افديها
سميتك أغلا البشر ياسيد الاسيادي=وانت اللذي في حياتي دوم تضويها
لا لا يهمك ترى بالناس حسادي=يظهر لك الطيب وعين الشر يخفيها
البعض منهم كما الخفاش سرمادي=والبعض صافي السراير في مرابيها
والبعض فيه اظطراب النفس يزدادي=نفسه دنيّه كفانا الله بلاويها
لاتكترث من بَعَضهم يوم ينقادي=مثل الغنم سارح ٍ بيدين راعيها
يا للأسف ياخليلي والله الهادي=يوم المراجل غدت بالسوق نشريها
المرجله والشهامه علم الاجوادي=صارت مع اوغادنا بالنقص تبنيها
إليا بخصت الرجل وش معدنه غادي=تلقى الجهاله تسطر لك مباديها
خالي الفكر دايمن سرداد مردادي=بهروجه اللي تلاقي الخبث حاويها
أحيان تلقاه كائن هادي وعادي=ولا من غدى من ورى الشاشات يعميها
بين المجالس يطوف يبث الاحقادي=بالفِعل هذي الرذايل في معانيها
بعض السوالف تسر القلب وتنصادي=والبعض الآخر يغث النفس راويها
ردد معي ياوليف الروح باسنادي=(النار ماتحرق الا رجل واطيها)



عبدالعزيز بن سعد العمار
1432هـ