حظي معاندني

[محمد بن عمار]

السلام عليكم
لكسر أجواء الحزن
نظمت هذه القصيدة
في قلب الحدث

حظي معاندني


الله أكبر وش اللي في حياتي جنيت = يوم حظي معاندني ويرجع وراء
كلما قلت عن درب العذارى سليت = مرّ طيف ٍ وجدد جرحي اللي برى
أبتعد عن مراتعهن إلى من مشيت = وأتحاشى وأخالف هاجسي لا سرى
أحسب إنيّ على نفسي وفكري قويت = ما دريت إن قلبي في هواهن ضرا
كل ما قمت أكبّر ، للصلاة ونويت = طاف في شاشة عيوني خيال ٍ طرى
وأختلف في التلاوة ناسي ٍ وش قريت = وأقطع الفرض ، مدري عقبها وش جرى
السّهو، له سجود ٍ لو سرحت وسهيت = واللي يغلط يصحّح له ، إلا ، من قرأ
وكان نظم القصايد ذنبي اللي افتريت = لا ني أول ولا آخر شاعر ٍ افترى

محمد بن عمار