رديه مع الشاعر العذب محمد بن عمار

[هترل]

السلام عليكم ورحمه الله

الحقيقه انا لا امتلك من مقومات الشعر الكثير واللي يجود فيه خاطري اطرحه
فياليت تعذروني اذا فيه قصور
هذي اول محاوله لي لمحاوره شاعر .. اتمنى تعجبكم
وبالمناسبه احب اشكر الشاعر العذب محمد بن عمار على اتاحه الفرصه




محمد القثمي
الحظ اقشر والفرح داخلي مات
والصدر كنه من قسى الوقت تابوت
والعين هلت يابن عمار دمعات
يوم المراجل صارن ثياب وبشوت

الشاعر محمد بن عمار
الله من همٍ علي ماضيٍ فات
من وقتي اللي شفت من جوره الموت
يروح ليلي مع نهاري بسجات
باهل التفرنج واهل البشت والكوت

محمد القثمي
كيف الوسيله يارفيع المقامات
لا صار ما تملك عمارات وبيوت
لابه رصيد ولا معك بوك شيكات
في وقتٍ اصبح قيمه الرجل بالكوت

الشاعر محمد بن عمار
خلك على المقسوم والرزق حزات
يومٍ يجود بخير وايامٍ ايفوت
وترى الذي يجمع فلوس وجنيهات
عايش بهم وضايق الصدر مكبوت

محمد القثمي
من فضل ربي ما عليا التزامات
والعافيه ما هي بلندن وبيروت
والمال دام انه يسبب لنكبات
لابو الزمرد والجواهر وياقوت

الشاعر محمد بن عمار
ما حدٍ يدور للشقاء والتفاهات
رزقه على اللي رازق الطير والحوت
العافيه دايم والاقدار ساعات
ولا فات له فايت معد ينفع الصوت

صح لسانك يامحمد