الـنـفـس فـي تـركـة المـقـفـيـن عـزّتهـا

[طلال العازمي]

السلام عليكم ورحمة الله وبركاته



ياليت سود العيون اتخفّف النظره = ما كنّها إلا سهومٍ صعب نزعتها
الغالي اللي يسوق القلب لي قبره = زدت العطايا وزاد النفس حرّتها
له في ضميري قصر بانيه يا كبره = لا ضاق ضفّه من البقعه وبلوتها
يا روح روحي عليك الروح منجبره = غنّيتها والخلايق وقت نومتها
يا صاحبي شف صحيبك صان بالعشره = ايعايس الفرقا اللي طال مدّتها
ارفق على اللي صبرك و ما نفع صبره = ياللي عليك العيون اتكن عبرتها
ما تدري انّي جريحٍ جرح ما يبره = محتاج قربك ومن عيناك نظرتها
مير الركاده ترى ما عاد لي دبره = من صدةٍ منك شاب الراس سبّتها
يا متعب الرجل كيف اتدور البكره = والعج هب و دفن في البر جرّتها
ارجع وعوّد ترى ما عاد لك قدره = النفس في تركة المقفين عزّتها