مصافحة بعد الغياب

[عبدالمحسن الرحمه]

بسم الله الرحمن الرحيم


كتبت هذي القصيدة في زوجتي لما سافرة وتأخرت في الرجعه

( نـــــــــــــــور عيـــــــــــــــني )

غاب عني نور عيني صرت من بعده لحالي
تكفى ياروحي وقلبي تكفى لا تطول علّيه
و الله الشاهد عليّه ربنا رب الجلالي
حارت أفكاري و عيني تذرف ادموع ٍ طرية
قلبي اللي في حشايا صارت همومه ثقالي
من يلومه دام خله زود الغيبة شوية
آه يا ثقل المحبة ثقلها ثقل الجبالي
أثرت فيني و خلت حالتي دوم ٍ ردية
ليت قلبي يا غلايا طاير ٍ بالجو عالي
يلتقي بك يا حياتي يا بعد كل البرية
يسعد بقربك و همه يا بعدهم يا هنالي
ترجعي لم شخص حبك حالته و الله شقية
لو تشوفي لدمع عينه مثل همال الخيالي
شوفتك هي مبتغاهم عندهم أغلى هدية
قبل ما ارحل يم خلك تسمحي بسأل سؤالي
وش أقوله لا لفيته عندكم نية مجية
خبره تكفى و قله روح عمرك ما تزالي
تعشقك دايم وبكره رجعتي بعد العشية
هاه جيتك ياعشيق ٍ ما هتنا من بعد غالي
قال بكره يلتقي بك يا هلا و ألفين حية
صدق يا قلبي كلامك بكره باشوفه قبالي
تسعد الروح الشقية من لواهيب ٍ صلية
عندي من خلك وصية مكتسيها الود حالي
تخبرك عن حبك اللي مالقت مثله وزية
يالزهور النرجسية جملي درب الجمالي
ارسمي لوحة جميلة وانثري عطور ٍ زكية
بشعل اشموع المحبة وابحر ابجو ٍ خيالي
مع حبيب القلب و الله نسمر ابجلسة هنية
انتهى كود المفارق و الفرح جاله مجالي
وامطرت مزنة غلاهم في حشا جوفي ندية
فدوة الغالي عيوني فدوته كل الحلالي
لب قلبه لب عمره يحفظه رب البرية
الجمال بخلي و الله كمله زود الدلالي
داعج العينين قلبي صاحبه ويضا سمية

( مـــــــــــخــرج )

يبه أنا بنتك ترى الهم طاوين
أرحم خفوق ٍ ذاق آه ٍ وحرات
كم ليلة ٍ يابوي دمعي يشقين
كلن رقد وأنا بهم ٍ و حسرات
حضنك ترى يابوي بالحيل يشفين
يروي خفا روح ٍ تعاني المعانات
لي مده ٍ ماذقت عطفك يسلين
ودي بجلسه مكتسيها الوناسات
أبغا حنانك يايبه دوم تعطين
أنسى معك كل الهموم الثقيلات
يبه ياروح القلب تكفى تواسين
بنتك ضعيفه مالها غير دمعات
في ليلي المظلم جروحي تعنين
أبكي على حظ ٍ طعني بطعنات
أمشي مع ادروبي بليا عناوين
ضيعت يابوبه طريق السلامات
كاس الأماني يايبه ما يروين
أغلب أماني عمري راحت خسارات
والله لولا نور قلبي تواسين
كان انتهى عمري وذقت المنيات
يمه تعالي احضنيني ودفين
خليني أنسي كل هم ٍ وضيقات