لايقل الإحترام .. جديده

[مبارك أبوظهير]

*

جديده .. إقبلوها بعيوبها ..

*



قبل تعتب لايقل الإحــتــرام=إلـزم حــدودك تـركـد لا تـــطــــيــر
شايف ٍ نفسك على كل الأنام=والله إن تـــرغــي عــقــب ذاك الــهـــديـر
جاي تعتب من قبل حتى السلام=هد روعك سـلــّم الدنـيــــــا بخــيـــر
قلت لك يوم ألتقيتك قبل عام=كنت تـوك فــي بدايــــاتـك صغيـــر
الغرام الشوق والشوق الغرام=هيه ياللي بالهـــوى تـــوك غـــــريـــر
الغرام إسلوب / ذوق .. وإنسجام=تضحيه ./ . إيـثار .. شـيْ فـعـــلا مـثـيــر
الغــرام أول مـســبــب للهيام=والهيام بـحـد ذاتــــه شــــيْ خطـــيــر
وأنت جاهل في أصوله ياحــرام=منت والله فــي تعـاليــمـه خـــبــيــر
لاتحاكيني شبعت من الكـــلام=منــْـك أنا ياصــاحبـــي هــمي كـبـــــيـــر
واعذابي يوم قلبي فيك هــام =ويــن أولـّي مـــن عــذابـي ويــــــن أطيـــر
أنت لو تمشي معي وفق النظام=كان ماحــسيــت بــــه طــول المسيــر
أنت ماتهــتــم قلبك مايـضــام=ماتحس بلــوعـــة القــلب الكـسـيـــر
أنت لاجا الليل ماتسهر ... تنام=يــوم غــيرك طــرفه بليــله سهــــير
انت طبعك ماتـــحب الإلــتزام=كـــل شـي بخـاطـرك ودك يــصـيـر
منك انا ماشفت لي أي إهتمام=وإهــتــمامي فـيك شوّفـــتـه ضـريـر
بإختصار آقولها لك والسلام=بعدها لك حق تقرير المصير
الخطا مني ومثلك مايلام=كيف مثلي حط له مثلك عشير
أنت ماينفع بك عتاب وملام=كيف ينفع فيك تأنيب الضمير
عاد تدري من قبل مسك الختام=بســألك والـــرد يعـني لـي الكثــير
منهو اللي علمك معنى الغرام=أشهـد إنـه مـاعـمـل بــالنـاس خـير

*


مبارك نايف أبوظهير