المساعد الشخصي الرقمي

مشاهدة النسخة كاملة : المزامير


الصفحات : [1] 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36

نجم الإبداع
13-02-2006, 12:53 PM
إخواني الفطاحله
عندما ارى ابداعاتم فلا بد للكيبورد ان يحاول ملامستها
فتقبلوا مني هذه المتواضعه
لاحت بروق القافيه بين الأوكان = ماتسمع الا اطبولها والمزامير
مزونها والبرق يضوي بنجران = تروي الصحاري وان قوت حيل تدمير
ناضت من المشرق ومن غرب ناوان= واسقت تبوك وشددت بالمحاذير
القاف غطرف وابتدى كيل الأوزان= يوم الصباح فلا تفيد المعاذير
يغثني طعن القفا بين الأمتان = هذا البلى وياشين بعض المطامير
قالوا القفاء حمال مامنه نقصان = وش عيّن الجمّال يوم اخلف السير
اغفر لنا يالله ياراعي الأحسان = ياناصر المظلوم يارازق الطير
صراحتي راحه وما جيت نكران = وان قدر الله من يرد المقادير؟
الصدق مخرج لويقولون غلطان = إن هادن ابو زيد! وش يخسر الزير؟
الشعر مايختّلْ عندي بالأطنان = اسهل من الميّه ودق المسامير
شعري شعوري شعركم فن واشجان= شوري براسي وكل حيٍ على خير
الجود ماهو بالأماني والألحان = وقت النوايب يُعرفون الغنادير
هذا زمانٌ مايفي حتى الاخوان = لو جيت عنده قدم الفين تبرير
يحلف وهو كاذب بتغليظ ألأيمان = تقول مايملك من الخير قطمير
يجمع من الدنيا ولو جاه ظيفان = من بابه الخلفي شرد دون تأخير
مسكين متقوقع على بيت شيطان = يشقى لغيره وياحياة المخاسير
اهل الزمان اتغيروا فوق الأوطان = دنياهم اغوتهم طريق المناعير
تكالبت كل الفتن وانت فهمان = حديث خير الخلق جانا بتصوير
صلى عليه الله عدد مابالأكوان= وعلى جميع الأنبياء دون تقصير
وعلى الصحابه واله الي لهم شان = بين البشرعالين منزل وتوقير