مصافحه اولى --- دالوب القصيد ----

[حسن الوطري]

السلام عليكم جميعا

اعضاء وزوار هذا الصرح الشامخ

اضع بين ايديكم مصافحتي الاولى وهي عباره عن قصيده متواضعه عل وعسى ان تنال ولو الشيء اليسير من اعجابكم


كما لا يفوتني ان اشكر اخي وزميل الحرف الشاعر محمد العسكر

على دعوته لي وتسجيلي


دار دالوب القصيد ودندنـن اجراسـه = واستلم فكري حروف القاف واستدرجها

واستهاض القلب منها واشتغل هوجاسه = وضاقت بعيني الدروب الواسعه وفججها

استوى درب السلامه والخطر بقياسـه = والنفوس القشر دايم همهـا مزعجهـا

قمت اسايسها وانا ليّه معهـا سياسه = واحكم الكلمه قبل لا اعلن لها مخرجها

المعاني مثل روض اخضر وانا عساسه = وكل دانه من نصيب اللي بده فالجهـا

ول يا طارٍ طرا فكـر المشقـا حاسـه = قام يستدرج خيول الفكر لين اسرجهـا

يا هوى قلب المشقـا يارجـاه وياسـه = ويا سبب بيت القصيد وحرفه ومنهجها

والله اني من غرامك شاربٍ من كاسـه = مير مدري صحبتي وياك وش منتجهـا

يا وحيد الفكر يا همـه ويـا نبراسـه =الجروح الداميه من غيـرك يعالجهـا

ربك اللي لبسك تاج الجمـال الباسـه= ارحم النفس العزيزه معك لا تحرجهـا

لا تقول اضروفنا واوضاعنا حساسـه =الليـال المقبلـه ربـك لنـا يفرجهـا