حانت نهاية شيخته والامارة

[ابومياس]

من زمن صار هالكلام قبل 17 سنه كنا نعمل في مدرسة بقرية
ومجتمعين بعزبة تقريبا عشر مدرسين وفيه واحد من الزملاء هو امير العزبه

هو اللي يجمع الدراهم ويشتري الاغراض ومايلزم 0 المهم في يوم من الايام
ماداوم يوم السبت وحنا كنا نجتمع ليلة السبت بالعزبة ويوم الاربعاء كل واحد يذهب لاهله
المهم الامير ماداوم ذاك اليوم وانا اتصلت عليه بالبيت عند اهله وردت على امه قلت لها ياخالة وين فلان
قالت والله انه تعيبان اليوم وتسولف لي العجوز عن مايشكو منه قلت لها ماهو حولك الان قالت اصبر اناديه
لك المهم كلمني قلت وش فيك سلامات قال عندي القولون ماهو مزبوط قلت له مخبط يعني قال تقدر تقول
المهم سكرت منه وجت هالابيات بعد ماعزمت اني اسوي عليه انقلاب بالعزبة 0 واستولي على الشيخة والامارة0

القصيدة مغبره مره ولكم عليها بس حبيت اكتبها كما هي



اميرنا القولون عنده مخبط = وحانت نهاية شيخته والامارة
امن اولٍ يحل ويعقد ويربط= واليوم كلٍ يدعي بالشطارة
انا الامير بدون قيدٍ ولا شرط = واشعاري الزعلان انفض غباره
تجيبون لي خروف واقول ذا بط= وانتم عليكم قول صح العبارة
انا على كيفي عليكم مسلط = الراي ماشي مايبي استشارة
محدٍ يعارضني وانا الذيب الامعط= اولع الشيشة وبعده زقارة

وسلامتكم