الطائر المهاجر
16-09-2007, 10:25 PM
http://up.ftahilah.com/up/uploads/Mine/alayadar.rm
الا يادار وين اللي عطاك النور من نوره = غديتي موحشه من بعد ما سافر وخلاّني
احس إنك تحولتي الى صحراء مهجوره = اعيش بها مع الأشباح هم ربعي وخلاّني
مها وغزلان تظهر لي تشكّل باحسن الصوره= على اجمل بنات الكون في نجدٍ ولبناني
يسلني واسليهن وكلٍ فاهمٍ دوره = الى منّي رفعت الصوت جرن عذب الالحاني
يبني انطلق معهن واخلي العقل وشعوره = ادوّر للفرح لحظه بلا همي ولا احزاني
وبديت اشك في نفسي فانا في حال مخطوره= ابي منهو يطمّني واخافه يعلن جناني
ومن خوفي بديت اقرا من القرآن كم سوره = واثاريهن على الإسلام يدرن كل قرآني
ستيراتٍ خبيراتٍ بجبر نفوس مكسوره = يبن اجري مدام إنّي بهذا الوقت وحداني
جلسنا نضحك ونمزح ولاحدٍ مال عن طوره= يعرفني ولوامزح مادوّر عن عشق ثاني
خذني مرةٍ معهن لشط الحب وبحوره = بجزيره حالمه ما ظنتي يدري بها انساني
بها الأنهار والخضره حدايق فلّ منثوره = ونسماتٍ تردّ الروح توقظ بوح وجداني
وقصرٍ ما بقى به غير بعض آثار من سوره= وجنبه بير مدفونه ونخلٍ صار عيداني
نشدت اللي ترافقني عن اللي شفت من صوره= فقالت ديرة اقوامٍ تلاشوا عبر الأزماني
يقال لهم بني يعرب خذوا من وقتهم جوره= عقاب الله للي واجه النعمه بنكراني
كلامٍ ما دخل عقلي وخفت الهرج به زوره= ولكن قبل ما اعلّق عطتني خير برهاني
تقول: إن العرب ولدوا على اشياء محظوره= مثل "احذر لسانك دام للحيطان آذاني"
حلال الحكي في كلش من الأزياء إلى الكوره= حرامٍ تنتقد مركب بوسط البحر عطباني
اذا كان الفتى نصفه لسان ومات في زوره= وش اللي باقيٍ في اليعربي حيٍ ورياني
نظرت لها وقلت الصمت.. فالأجواء معموره = ترى في الجوّ من يسمع ويلقط زلّة لساني
وانا ما نيب ملزومٍ ورايه عشرة بزوره = ابرجع سالمٍ غانم مثل غيري إلى اكفاني
ورجعت البيت متنكد ودمي فايرٍ فوره = وخذت المكنسه قشيتهن واغلقت بيباني
معاد إلا بنات الجن تشجعني على الخوره!!= وانا اللي طول عمري عارف إنّ لساني حصاني
تعالي وارجعي خايف على نفسي من طيوره= فهذا الوقت ما يرحم مدامي صرت وحداني
الا يادار وين اللي عطاك النور من نوره = غديتي موحشه من بعد ما سافر وخلاّني
احس إنك تحولتي الى صحراء مهجوره = اعيش بها مع الأشباح هم ربعي وخلاّني
مها وغزلان تظهر لي تشكّل باحسن الصوره= على اجمل بنات الكون في نجدٍ ولبناني
يسلني واسليهن وكلٍ فاهمٍ دوره = الى منّي رفعت الصوت جرن عذب الالحاني
يبني انطلق معهن واخلي العقل وشعوره = ادوّر للفرح لحظه بلا همي ولا احزاني
وبديت اشك في نفسي فانا في حال مخطوره= ابي منهو يطمّني واخافه يعلن جناني
ومن خوفي بديت اقرا من القرآن كم سوره = واثاريهن على الإسلام يدرن كل قرآني
ستيراتٍ خبيراتٍ بجبر نفوس مكسوره = يبن اجري مدام إنّي بهذا الوقت وحداني
جلسنا نضحك ونمزح ولاحدٍ مال عن طوره= يعرفني ولوامزح مادوّر عن عشق ثاني
خذني مرةٍ معهن لشط الحب وبحوره = بجزيره حالمه ما ظنتي يدري بها انساني
بها الأنهار والخضره حدايق فلّ منثوره = ونسماتٍ تردّ الروح توقظ بوح وجداني
وقصرٍ ما بقى به غير بعض آثار من سوره= وجنبه بير مدفونه ونخلٍ صار عيداني
نشدت اللي ترافقني عن اللي شفت من صوره= فقالت ديرة اقوامٍ تلاشوا عبر الأزماني
يقال لهم بني يعرب خذوا من وقتهم جوره= عقاب الله للي واجه النعمه بنكراني
كلامٍ ما دخل عقلي وخفت الهرج به زوره= ولكن قبل ما اعلّق عطتني خير برهاني
تقول: إن العرب ولدوا على اشياء محظوره= مثل "احذر لسانك دام للحيطان آذاني"
حلال الحكي في كلش من الأزياء إلى الكوره= حرامٍ تنتقد مركب بوسط البحر عطباني
اذا كان الفتى نصفه لسان ومات في زوره= وش اللي باقيٍ في اليعربي حيٍ ورياني
نظرت لها وقلت الصمت.. فالأجواء معموره = ترى في الجوّ من يسمع ويلقط زلّة لساني
وانا ما نيب ملزومٍ ورايه عشرة بزوره = ابرجع سالمٍ غانم مثل غيري إلى اكفاني
ورجعت البيت متنكد ودمي فايرٍ فوره = وخذت المكنسه قشيتهن واغلقت بيباني
معاد إلا بنات الجن تشجعني على الخوره!!= وانا اللي طول عمري عارف إنّ لساني حصاني
تعالي وارجعي خايف على نفسي من طيوره= فهذا الوقت ما يرحم مدامي صرت وحداني