لا عاش راس اهينه..شيله ع.العمار

[الطائر المهاجر]

شيلة الشاعر عبدالعزيز العمار

http://up.ftahilah.com/up/uploads/meElga/La3ash.rm

لاعاش راسٍ أهينه يوم واذلّه = من شان دنيا وانا اللي راحلٍ فاني
نفسي عزيزه على المنهاج والملّه= ما اخضع لغير الولي خلاّق الاكواني
لو زاد همّي وصبري انتهى كلّه = استلهم الصبر من توجيه ايماني
الحر هالوقت يشوونه على الملّه= يمكن مع الشوي يسجع عذب الألحاني
ما يدروا إن الذهب باقي على حلّه= مهما تحرقه فلا ينقص بالاثماني
الحر بالفكر يدري الدرب ويدلّه = مسكنه فوق الشواهق عز الاوطاني
ولو جاع ماهو من اللي يرتضي الذلّه= ولا هو من اللي يبات الليل جوعاني
يبحث عن الرزق دام الله ضمينٍ له= ويعيش عمره بلا همٍّ ولا احزاني
امّا أنت ياللي جمعت المال كالجلّه= ما ينفعك مال قارونٍ وهاماني
ودّك بلحظة سعادة نفس معتله= تشعر بداخلك نقصانٍ وحرماني
تغبط فقيرٍ بجنب النار والدلّه = في البر عايش بلا سقفٍ وبيباني
من كان يبغي السعاده بالعمر كلّّه = يقنع برزقه ولا بالعمر ينهاني
الحرّ عزّته سيفه يومه يسلّه = يقهر به اللي يذلّ الناس باحساني
دنياك يا صاحبي لو شفتها فلّه = يا سرع ما تنقلب شوكٍ بالاغصاني