رســـــاله

[خالد جاسم]

القلم الي ما يذكر اسمك
اكسره

واشققه اذا ما طبع اسمك
كتاب

والفكر الي ما يسبح بعينك
ابعثره

والبيت الي ما يحمل معانيك
خراب



والليل اذا ما ذكر طيفك
ما اسهره

والصبح الي ما فيه خيالك
ما طاب

والورد اذا مو مثل خدك
ما اكدره

ياشين ورد معلق من غير
اسباب



والقلب من بعدك محد قدر
يصهره

والروح من غيرك ما تسوى
تراب

حبيبي سافر امس اكيد
بعذره

ما مر على خاطري مثله
احباب



تصدق اذا الشعر ما طراك
اجرجره

واخليه يكتب عنك كل
ما طاب

امسحه.. احذفه.. الغيه
اهدره

حبر ما كتب اسمك
وفيك ذاب



احبك يا سمره اقولها
اشكره

ما يوم خاف قلبي ولا يوم
هاب

واحلف اسمي مسطر
بدفتره

لا ضنك يخيب ولا ظني
خاب



الواشي والعاذل حبيبي
احقره

لا ترد على من وصفه
كذاب

والمكروه لي جاك تكفا
انهره

ما صدق بدنيانا حالف
نصاب



انا باعلى صوتي اسمك
اجهره

ما بين اهلي وبين
الاغراب

احبج ايه يا زينج
من مره

تسلب الروح وتسلب
الالباب



من عرفتج صار حولي
جمهره

والكل يسأل عن هواج
مرتاب

واحد يغير منج ويقول
احذره

وواحد يقول تمتع
بعناب



وحبج طغى على قلبي
وافترى

ونساني اهلي وربعي
والاصحاب

والدمع بفراقج على
خدي جرى

يا زين حبك يامن طولت
الغياب



ما انساه ابد على بالي
اذكره

طرياه دايم على الروح
تنساب

احبه وقلبي احتله
واستعمره

ياريت طول العمر فيك
منصاب



غرق القلب بشهد حبه
وامطره

سحاب ما ينجلي وفوقه
سحاب

شفاة نار وقربه ما
اخطره

وشوفته جنه وبعده
عذاب



مره تجمعنا بليل وعيني
مخدره

من شوفته وقال عدل لي
الحجاب

قمت اتدوده اكشفه او
استره

عيني بعينه والشفايف
قراب



مره اجرب ومره ارجع
لي وره

ومره اتكلم ومره ما رد
له جواب

اه لو يرجع المستحى
انحره

وثغري بثغره لا مل ولا
تاب



سمور انتي بقلبي
جوهره

انتي باب ما بعدج ابد
باب

يا رب ما يضيع او يوم
اخسره

او امشي بدرب اخره
سراب