ول يالحظ الاقشر واقفٍ في مكانه

[الطائر المهاجر]

ول يالحظ الاقشر واقفٍ في مكانه = كلما جيت ادفه قام يرجع ورا
لو ببيع الطواقي زاهيات البطانه= كبرها ما الا قي روس بين البرا
وكلما اطق عودٍ بارض شفت المهانه= من ردى الحظ الاقي صخر تحت الثرا
قلت ابدخل للاسهم واشتري في "امانه"= راح نسبه تحت كنه بحظي درا
ويوم جتني منح عيت عليها الامانه= قسمتها لشرق وغرب باقصى العرا
ول يالفقر في نجد وطاني لعانه = راح عمري ولا لي بيت يحسب ذرا
لو معي "دال" ما اعطتني بنجد حصانه= دون "واوٍ" فلاهي عندهم تنظرا
غيري اللي بليّا "دال" باعلا مكانه = لان له "ظهر" نافذ ما به يأمرا
ويش اسوي بحظٍ زايدٍ بالعفانه = ثابتٍ في مكانه والعمر دحدرا
مالي الا اتصبر كود يمشي حصانه = او يلاقوه بعدي ورث ما ينشرا