مقطوعات من أشعاري ..

[عبدالمحسن الرحمه]

بسم الله الرحمن الرحيم



السلام عليكم ورحمة الله وبركاته ............................ إدارة المنتدى والمشرفين


ألتمس العذر منكم بودي تتقبلون هذي المقطوعات في موضوع واحد


*
*

من طاح من عيني فلا نيب راجيه = معاد له قدر ٍ ولا له مكاني
لاعاد يرجاني أعزه واخاويه = خله يصافح ذكريات الزماني
خل المدامع في عيونه تسليه =هذا جزا منهوا بهجره جزاني
بعلن رحيلي ياهلي من موانيه =خله على الجرح المفارق يعاني
والله لو كثرة عليه المشاريه =مرجع لحبه لو بودّه بلاني

*
*


ياهاجر هجرك ذبحني وأنا حيّ = إرفق بحالي يابعد كل غالي
ماتدري أني من بعدكم ولا شيّ = وماتدري إنك مشغل ٍ كل بالي
وماتدري إنك طاوي ٍ حالتي طي = أرفق بحال اللي طوتها الليالي
والعين عادتها كما حاتم الطي = تجود بالدمعة عل كل حالي
عمري وقلبي إرفقي بحالتي اشوي = حرام والله تتركين لحالي

*
*
*


ياصاحبي قلي علامك تغيرت=قلي عسا ماجاك مني مضرة
أقسم برب البيت والله تحيرت=من صدك اللي هد قلبي وجرة
أن كنت مخطي جيت لمك تعذرت=آسف وقلبي يالغلا لا تحرة


*
*
*


والله أني من بلا الفرقا مريض=صرت في دنيا العجايب مغترب
كتبت لي عنوان بالخط العريض=فكري من فرقاك عمري مضطرب
مزنة اسنين الغلا راحت نفيض=وانتهت صفحة لقاها يالعجب



*
*
*
أحدن إذا شافك مميز وناجح=ماله جدا الا من الخلف يدعمك
أخطا بحقي والخطا فيه فادح=ليته به إحساس المحبة ويفهمك
لاهو مشجعني ولاهوب مادح=ولاهو على درب المكارم بداعمك
في منبر إبداعك له الصوت صادح=يسعى وراكم لين يخفي معالمك


*
*
*


مسكين ياضب ٍغدا اليوم حيران=في وسط جحره حالته ماتسرا
جالس يفكر في مكون ٍلها شان=حاله بعد فرقاه دوم ٍتجرا
يحس في جوفه غدا فيه نيران=همه بقلبه دايم ٍمستقرا
على فراشه جالس الليل سهران=يحاكي اطيوف الغلا لو يمرا
على جدار الجحر يكتب بالألوان=أسم الحبيبة كل يوم ٍيطرا
لاضاقت الدنيا وكثرة به أحزان=يهيض أحزان المعانات برا


*
*
*


يازين في روح الغلا حاجتيني=جمالها الطاغي وغمزة خدوده
لو غبت عنّه يالملا ساعتيني=خطر ٍعلى قلبي تزايد وقوده
غرست في جوفي لها بذرتيني=بذرة محبتها وبذرة عهوده
صدق المشاعر يمها محتويني=صدق المودة في سمايا تسوده
يالذة أشواقي وشمعة سنيني=فيك الدلال اللي تعدا حدوده


*
*
*


يابو حمد ماني على الدرس شفقان=تكفى تأجل درسك اليوم تكفا
فكري مع اللي مودع القلب تعبان=كلما رجيته ياهوا البال يجفا
لأمن طرالي عافت النوم الأعيان=جرح المحبة ياهلي كيف يشفا
عزالله أني من بلا الزين مرضان=جور المرض فيني ولاهوب يخفا
يازين خاف الله ترا الفكر حيران=أرجع وخل الجو يازين يصفا



*
*
*


خلاص بابي يالغلا لا تطقه=خلاص أبنسى صحبتك لا تجيني
كتاب حبك في يميني بآشقه=ماهلّ بعدك يالغلا دمع عيني
أتعبتني صار الهجر تستحقه=ماعاد أبالي لو تجر الونيني
قلبي خلا مابه حنان ٍ ورقه=برسل لك الونات لك مسعفيني
خلك على زرع الحسايف وسقه=من شان تذكر ماضيات السنيني
من بعد قصر الحب تسكن ابشقه=هذا ختام الحب بينك وبيني


*
*
*
القلب من كثر الهواجيس تعبان=ماني على كثر الهواجيس قاوي
دارت على قلبي كثيرات الاحزان=مزن الشقا والبرق فيها يضاوي
يابو حمد وقتي فلا مرتٍ زان=الله أكبر ياحياة الشقاوي
ياما بنيت احلام من دون عمدان=حلقبهن بالجو طير النداوي
جريت لي صوتٍ مثل ذيب سرحان=عجزت ابلقا لي طبيبٍ مداوي
مسكين قلبي من بلا الهم سهران=سلطان جوره في طريقي مخاوي



*
*
*


وش يفيد الجو من بعد الغلا=وش يفيد الحب والغالي بعيد
ياغلاة القلب يا كل الحلا=في لقاكم كنه العيد السعيد
حبك الي في حشا جوفي تلا=سارين يغلا المحبة بالوريد
أنتي نور البدر في ليلة علا= جعل عمرك يابعد عمري مديد
لاطرى حبك أهلي بك هلا=مرحباً وهلين يالريم الفريد
أشهد أن الحب شرٍ منزلا=أشهد أنه شر شيطانٍ مريد



*
*