كل المشاعر في غيــابــك تحراك ،،

[داعي الشوق]

مهما تغيب و تبتعد مقدر انساك= صورتك دايم ما تفارق خيالي

الله عليك بداخل القلب مغلاك= كل الغلا لك يا بعد كل غالي

يا كثر ما احبك و ياكثر ما اهواك= محبتي لك مالها اول و تالي

كل المشاعر في غيابك تحراك= تسهر على ذكراك طول الليالي

تشكي معانيها لحرفك و معناك= حرفك يسليها ليا ضاق بالي

و انسى تعب دنياي لا صرت وياك= من فرحتي ما كن شي جرالي

تضحك لي ايامي على بسمة شفاك= وقلب العنا عن كل الاحزان سالي

سبحانه اللي كمل الحسن و اعطاك= يا كامل الاوصاف يا بعد حالي

مالك شبيه بين ذولا و ذولاك= حسنك علي كل الغنادير عالي

انا منى عمري بقربك و لقياك= لو ساعة فيها تجيني لحالي

بشرح لك اشواقي علي كف يمناك= و صدر الوله في خاطره كم سؤالي

عنده تفاصيلي و ياما تمناك= من واهج الاحساس يسقيك حالي

حلم بحياتي نظرةٍ في محياك= قبل اقتراب اجلي و يوم ارتحالي

حبك ملا قلبي بروعة مزاياك= محلا غرامك يا حسين الدلالي .