ياللي قتل حبه خفوق وعَنْهْ راح

[نجم الإبداع]

همس القوافي لو بقى همس عندي=لاهمس لمن علق خفوق وعَنْهْ راح

اقول هذا ظلم في كل بندي = في روحته يشقى وفي كل مسراح

واقول له بالهمس يكفيك عندي = عود لنا نحيي ليا عدت الافراح

عود لمضنونٍ لك يصير جندي = لو عدت يابلسم دوى روح وجراح

قل لي متى لي معك الايام تندي=الوقت طال وطول هجرك لي اتراح

لاتحسب اني عنك سالي مسندي=لك الله اني حزن والعالم براح

ماكل من حمل الهوى معك زندي = باشيل حبك والهوى ليل الامراح

يافوق زانت طلعته كل سندي =عود تعود عقب حزني بك اشراح

والا فعز اهلي ليا مت فندي = ياللي قتل حبه خفوق وعَنْه راح