ليه انت من بـد كل الناس مشغلني . ؟

[داعي الشوق]

http://www.fatahilah.com/up/stamp01.gif


^^^^^^^^^^^^^^^^^
^^^^^^^^^^^^



ليه انت من بد كل الناس مشغلني = وتقدر بكلمه تزعلني و ترضيني
وليه انت لامن تغيب ولا تكلمني = يضيق صدري من احزان تخاويني
منها اتكدر و تتعبني و تزعجني = و يرتاح بالي ليا شفتك تحاكيني
لو هي دقيقه . على حالي تغيرني = ترسم ثنايا الفرح في وقتي الشيني
صوتك يجدد لي ايامي و يعجبني = يعطي حياتي رجا في باقي سنيني
عليك طيف الهوي و الشوق يجذبني = يا مشغل البال يا سيد المزاييني
ابنشدك يالغلا ليتك تجاوبني = ياللي هيامك غرامه ساكن فيني
ان كان هذا الهوى ياللي مولعني = اللي ضحاياه سموهم مجانيني
انشهد اني وقعت بحب جنني = في حبك اللي مواويله تسليني
تعال سولف لي اخبارك و علمني = قلي عن احساس قلبك يا نظر عيني
لا تقتل الهرج ياخلي و تقتلني = لايضيع حب انكتب ما بينك و بيني
فيني شعورٍ مع اوقاتي يعذبني = شتاه بارد و صدرك بس يدفيني
يا زهرة الساقيه لونك يشوقني = يا غاية الروح يا ورد البساتيني
انا ضحية هواك و ليت تعذرني = بمشي معك وين ما ودك توديني
ياللي ظنونك تصورني و تفهمني = تكشفني حروف تأثيرك و تخفيني
وان كان لك يالغلا نيات تتركني = ولله ما انسى غرامك ياريش العيني


^^^^^^^^^^^^^^^^^^^
^^^^^^^^^^^