ضو القمر مع سكون الليل

[سعيد عوده الحويطي]

اقدم لكم هذه القصيدة وارجوا ان تحوز على رضاكم .


ضو القمر مع سكون الليل=بارض خلا والسما صافي
في ديره توه غشاها السيل=كلها جراعيب ونظافي
ماحولي لنبه ولاقنديل=ماغير ضو القمر ضافي
وبراد شاهي ودلة هيل=والنار من شوفها دافي
نارا عليها الهشيم نهيل=سمر جثاريم وشظافي
جوا جبرني على التخييل=كني مع الكون طوافي
وقامت افكاري علي تهيل=من كل صوبا لها لافي
جتني تزاحم سوات الخيل=اللي على الحرب وجافي
قلت اصبرن حان وقت القيل=ابي ارسم شعوري على قافي
وامثل ما اشاهده تمثيل=لعلي اوفيه باوصافي
اقل وصف نقول مهيل=والجو محتاج سولافي
سواليف ربعا معي عقيل=ماهم ملاقيف وخفافي
لاجت سواليفهم تعليل=ينصت لها كل عرافي
نسولف لما النجوم تميل=كل بمركاه ولحافي
جوا لهم الزمان يزيل=مادمت بدنياك متعافي