قصيده موجهه لأحد الاصدقاء تبين فحواها

[الطامي]

تحسبني يابو محسن الى نويت لي = نية كل المناعير تبغي مثلَها
اتردد في سنعها او اني مهملي = نية كل الفرايض نقصرها بنفلَها
روحة مواتر اهلها مكاينها صلي = تطوي البيدا بقاع يعجبك شكلَها
زين دندان السواويق منصور وعلي = والجهاز يرد صوت الجماعه كلَها
وان ضواها اللي تسري مع الدو الخلي = والدلاله كلهم يقول انا كفوٍ لَها
مري الطابلون مرمي وقد له مهملي = مع مكف العرق تسري بقاع ندلَها
العفاج يمين والعرق يبرى لك ولي = لين تاقف جهمة الحمض رداها وجلَها
وننتحي يسار نقطع عروق تعتلي =ونتواصا برثمة العرق والبتره خلَها
ومع هواد الليل قالو المشوره مايلي = نبغي الممسى ونبري العماس وحلَها
وفي المعشى البن الاشقر مع كبسة طلي = شغلة ربوعٍ نشاما بعيد غُلَها
ذا يجيب جروم ضوء لنارٍ تصطلي = وذا يشيك زود بترول والاخر فلَها
والصباح ندوج والرزق من عند الولي = مبعدين هموم روسٍ لاجاها يسلَها
اشهد ان ذي غاية النفس والمخرج ملي = خوتي لك تبري النفس همومٍ تعلَها