مجاراة ابيات-صدرك على غالي سرايرك زره

[الطامي]

صدرك على غالي سرايرك زره =لا تصير سطحٍ كل ما جا المطر خر
ولسانك اصحاب الفتن لا تجره =في كلمةٍ عوجا يجي ردها مر
ابيات ابن زويبن ولله دره = جاريتها في مثلها حيثها اعبر
والراي لاتعطيه الا من يسره = يذكرك به لاغبت بالخير ويسر
ويمناك لاتنفق على من تغُره = عطيتك مايدري انها عطا بِر
واحذر عصا الجاهل تجيك بمضره = لاتقربه لاتجادله يلحقك شر
وجنَب عصي الراي بالك تمرَه = لايسمع الاشوار وان شاخ بك ضَر
وحذرى هنوف الغي قلبك تجره = ترديك للهونا وللعيش الاقشر
وخلك كما سهيل اليماني مقرَه = الوسم في طلعته وان غاب جا الحر
وامك وابوك اسعى لهم بالمبرَه = ابواب جنه كلهم كان تقدر
وأوصل ارحامك حبلهم لاتجره = الا انقطع حب الوصل تصبح ابتر
والزم قوي الدين منه المسره = وابعد عن اللي دينهم في تحدَر
وحذرى المنافق وسط مدنه وبره = واعراض خلق الله اتركها ثم احذر
ومن جاد لك جد له ولو بوزن ذره = ومن قابلك بالشين قابله وادجر
وغلطة رفيقك كان تاره وترَه = ادمح خطاه وربحها لك وتستر
وان زاد في غيه عليكم بكرَه = الزمه بالعبرود والسيف الابتر