لا تساليني

[احمد الكثيري]

اجمل قصيده في حياتي انتي
يامن نزلتي بالحشا وسـ كنتي

تربعي واستوطني قلب احمد
دامك من شعورالفتى مُكنتي

ياجوهره يالولوه في عيني
يامشغله قلبي ليا دندنتي

نوره ولا غيرك شغل تفكيري
ليا رسمتي الكف وتفننتي

البدر لاشافك خجل من نورك
والشمس كنها تسألك من إنتي

والورد لا من شاف نقشة كفك
لك يبتسم لاشافك تسلطنتي

والبحر يانوره ليا جيتي له
وقف على شانك ولو هونتي

حتى الهوى استغفر الله يوقف
لاشافك من بين الملا تزينتي

يا آسره قلبي بهاك المبسم
لان الصخر وانتي بعد مالنتي

حتى القلم لا لامسته كفوفك
يمشي ليا خذتي الورق ولونتي

يا جارحه قلبي بهاك النظره
عيدي الامل يابنت لا لاهنتي

قلب المولع في غرامك تايه
يومك رفعتي لي يدك واعلنتي

عني بعادك ياشبيه المهره
لاتسأليني بالحشاء وش كنتي

ياجارحه قلبي بغمزة عينك
ارجوك داوي عاشقك لاهنتي

الشاعر/احمد الكثيري

حصري لصحيفة شعراء العرب الالكترونيه
قصيدة/ لا تساليني لشاعر/احمد الكثيري
http://al-arabpoets.net/?p=63567