عيون الظبي

[هترل]

بسم الله نبدأ بعد غيبه مجددا و الله يقدرنا نقدم مايليق بذائقتكم
اكيد وحشتكم. ... 😅
متواضعة أتمنى لها القبول




لا تقول ولا أقول ماحصل فيه القبول = والرجل يصبر وعند الولي كل الحلول
كل ماعندي حلالك ترى ماني عجول = لو تبي زودٍٍٍ عليهم عطيتك ماتبي
نطنخ بسود الليالي ليا احتجنا نصوم = ماحسبنا حسابها عاده ٍٍٍ في ابو هثوم
ابتجح ياصاحبي وارقد وكب الهموم = صاحبك مايلتفت غير لعيون الظبي
الحقيقه راسخه غير أوهام السراب = من عرفني صح قدّر حضوري والغياب
مايعرف القاع من نظرته صوب السحاب = مايهمه حقد حاقد ولا مذهب غبي
دامها فرصه سعيده نصيحه بكلمتين = والنصيحه واجبه يمكن فؤادك يلين
العمر يمضي وعن وقتنا أحنا غافلين = خفف ديونك مع اليعربي والأجنبي
كان خَلْقَه مارأوك ربهم فوقك يراك = لاتخلي بليس يلعب بذيله في حشاك
خل نفسك دوم سمحه وراقي مستواك = وانفض أحلام السخافه مثل نفض العبي