سحاب الاشواق

[عطر الروح]

استوحش الليل وعيون البشر نامت
وأنا وشعري وأحاسيسي على موعد

قلبي مع الشعر يكتبني على الصامت
بحساسه اللي يراودني وهو مبعد

ما همني في غرامي عاذل وشامت
أقرأه جمله مفيده وأكتبه وأصعد

مشاعري والمعاني كلها هامت
غيمة غيابه سماها يبرق ويرعد

النفس من بعدهم عن زادها صامت
والقلب يذكر هواه يقول وين أبعد؟

رحلة شقى هيضتني يوم لي قامت
تكسر مجاديفنا والشوق لي يبعد

واليوم هلت بروق الوصل منضامت
سحاب الاشواق قرّب حبي المسْعد
#عطر_الروح