ابطيت عني ياهوى البال(بالصوت)

[الطائر المهاجر]

http://www.fatahilah.com/up/abteet.mp3

ابطيت عني ياهوى البال وين انت = نسيتني وإلاّ منعتك الظروفي
تدري اذا جانا المساء ما تبيّنت= يظلم جميع الكون يانور شوفي
وشلون لا مرت شهور وتماهنت = بين الرجاء والياس يزداد خوفي
خايف عليك وخايف منك لاهنت= مدري سبب غيبتك واخشى العزوفي
طيفك معي في الفرض وإلا تسننت= وحتى وانا بالحلم صوتك هتوفي
اسمعه يسألني هو انته تجننت= يومك تدورني وقلبك بجوفي
حتى بحلمي في عذابي تفننت = ترقص على ضعفي بضرب الدفوفي
ما عاد اساوي عند حالي ولاسنت= واخاف وضعي يكشفنّه حروفي
يشمت بي العذال من بعد ماكنت= قيدوم ربعي قايدٍ للصفوفي
دامك حبيبي في فؤادي تمكّنت= ارفق عليه وعامله بمعروفي