حرامي في بيت الفطاحله

[بارق السيف]

هذا واحد من أعضاء المنتدى ( بدون ذكر أسماء ) طب علي بيتهم حرامي ، تجلت المواقف البطوليه يومها وبانت العلوم الطيبه :d ،، خلووونا نشوف وش سوى مع الحرامي ،،

يقول خوينا :

ذيك الليله والعايله نايمين إلا واسمع صوت اسفل البيت وانزل تحت للحوش واذا فيه هكالتكروني اللي وش طوله وش عرضه ، وشايل تلفزيون الملحق ورايح للباب ، واصرخ عليه ، وقف . وقف الرجال ورجع علي وعيونه حمر ، قال وش تقول قلت وقف على شان افتح لك الباب

وأروح ذاك اليوم للحراج وأحصله واقف به يبغى يبيعه ، سلمت عليه ، قلت للبيع قال ايوه ، ناظر في وقال انت وش جابك ، قلت ابشتري منك بس بشرط ماعاد تجي تاخذه ثاني مره وفعلا اشتريه منه وارجع التلفزيون

كنت حاسب له ان رايح يرجع وبالفعل ما تمينا 3 ايام إلا والرجال في الحوش ومتوجه للمجلس يبي ياخذ التلفزيون ، طبعا كنت مركب سماعات ستريو وحاط تسجيل بحيث من يسمع التسجيل يظن فيه اكثر من 5 اشخاص في البيت وفي جهات مختلفه ، وانا اشغل المسجل بأقوى صوت: حدوه .. حدو الكور .. اطرحوه ... إلا والرجال ينحاش

طيب كيف ارجع فلوسي ؟

ما كان داري إني واقف له عند الباب ، ومعي مسدس مويه ، ووجه المسدس عليه ويرفع يديه ويقول تكفى انا داخل على الله ثم عليك ، قلت هات بوكك ، وبالفعل عطاني اياه وافتحه واخذ من ال 300 ريال اللي دفعتها واقول له شف ترى هي آخر مره وإلا ترى هالمسدس في راسك ومن عقبها ماعاد قرب للحاره .

تعليقكم ..