الضيافة

[صمت القلوب]

ياشين ضيف ماعرف للمواجيب =ما قدره للطيب فوح ألدلالي
يسهر طوال الليل يحصي المكاسيب = ولا يكرم الضيفان في كل حالي
يحسب حساب المال في كل ترتيب = مايدري ان الجود درب المعالي
اكرم ضيوفك تعتلي للمراقيب = فالذكر للإنسان اجمل خصالي
قدم لضيفك واكسبه بالتراحيب = والحظ داير دورته بالتوالي
ناسٍ تعز الضيف نعم المعازيب = اديارهم تحلا بذبح الحلالي
متوسدين الطيب مالحقهم عيب = وما هزهم في البرد ريح الشمالي
الطيب طيبٍ يكسبونه هل الطيب= يا زين هرجٍ اللي هروجه فعالي
اوجيههم سفره وكف المواجيب = ما صدها عذر العوز والنوالي
تضحك ولو هي عايشه في لواهيب = ولاحدٍ عرف عن بردها والصوالي
أنا اشهد أن الكيف فنجال تطريب = لا مدته يمنى كريم السبالي
طير توسد مجلسه للمعازيب= حر ابيٍ ظاهر(ن)بالجلالي
ان شفت عينه شدتك بالتراهيب= حذر ونذر زاهي بالمعالي
مثله لهم مني سلام وترحيب= دار لها عز بصف الدلالي