شجاع عمر الأكلبي
01-04-2008, 05:45 AM
أرحبوا
فالكم من الله طيّب
أدله ليا سجيت بأرضٍ خليّة=فيها الذيابه في دجاها تعاوا
ماسمع من الأوناس فيها دعيّة=كود الطيور اللي تطير وتهاوا
أتبع هوا نفسٍ قزوي وشقيّة=فيها الطواري تختلف ثم تراوا
نفسي معودها لعشق العليّة=ترقى سنود وشوفها للعلاوا
مشي الخلا طب النفوس الأبيّة=نفوس الحرار اللي بمشيه تداوا
أسجها بعزوم شوقٍ جريّة=وألقابها للنفس قمّة سلاوا
مامعي كود الدّلة الرسلنيّة=ومطعومها والما قراحٍ وماوا
وأشب ضوي في خبوتٍ عذيّة=أشبها في زاميات النباوا
مابين هضبٍ شامخاتٍ ذريّة=وبرانها تو الدحالة تلاوا
أخير من شوف الوجيه الهبيّة=اللي الوفا والغدر معهم تساوا
أهل العزوم الوانيات الردية=إركابها دون الطويلة تثاوا
إليا تعذر خوّة الكفو ليّه=مانيب ويا اللاش ربع إنتخاوا
ولا أزكي المجرم ولا أدهى البريّة=أراقب اللي فوق عرشه تساوا
وأقوم وأسجد له بنفسٍ رضيّة=وأدعوه يغفر مذنبات الخطاوا
والله يجملني بمن ضن فيّة=أما بعيد الدار ولا الدناوا
الكفو للطوله عزومه قويّة=وليا فعل طيبٍ لفعله تشاوا
فالكم من الله طيّب
أدله ليا سجيت بأرضٍ خليّة=فيها الذيابه في دجاها تعاوا
ماسمع من الأوناس فيها دعيّة=كود الطيور اللي تطير وتهاوا
أتبع هوا نفسٍ قزوي وشقيّة=فيها الطواري تختلف ثم تراوا
نفسي معودها لعشق العليّة=ترقى سنود وشوفها للعلاوا
مشي الخلا طب النفوس الأبيّة=نفوس الحرار اللي بمشيه تداوا
أسجها بعزوم شوقٍ جريّة=وألقابها للنفس قمّة سلاوا
مامعي كود الدّلة الرسلنيّة=ومطعومها والما قراحٍ وماوا
وأشب ضوي في خبوتٍ عذيّة=أشبها في زاميات النباوا
مابين هضبٍ شامخاتٍ ذريّة=وبرانها تو الدحالة تلاوا
أخير من شوف الوجيه الهبيّة=اللي الوفا والغدر معهم تساوا
أهل العزوم الوانيات الردية=إركابها دون الطويلة تثاوا
إليا تعذر خوّة الكفو ليّه=مانيب ويا اللاش ربع إنتخاوا
ولا أزكي المجرم ولا أدهى البريّة=أراقب اللي فوق عرشه تساوا
وأقوم وأسجد له بنفسٍ رضيّة=وأدعوه يغفر مذنبات الخطاوا
والله يجملني بمن ضن فيّة=أما بعيد الدار ولا الدناوا
الكفو للطوله عزومه قويّة=وليا فعل طيبٍ لفعله تشاوا