عوض سحمان العتيبي
19-05-2008, 08:07 AM
ماني بجاهل ولاني بعلم الغيبي= وحكم القدر مامدحته بس مااذمه
ياوين ابا القى من يتمم مطاليبي= ويرتاح راسي من التفكير لا خمه
باسباب من لجلها كثرة مكاتيبي = والقلب سارت مع الشريان في دمه
ياليتها تعلم بحالي وتدريبي = وتعلم عن الحاير اللي داه في كمه
اللي من ايام قاسى حر والهيبي=يقفي ويقبل وبعض الهرج ماتمه
خوفاً من الخذل واهدار المواجيبي=واهل الحسد بالخبر تشيع واتنمه
في طيفها هاجس الاشواق يسريبي=لمعانقه بالخيال ويدي اتلمه
وكل الاحاسيس احس بها تهليبي =واحس في عطرها يومني اشمه
واحس كاني من احساب المعازيبي= والسلسبيل اطعمه لاراق من فمه
واثر الهواجيس تقبلبي وتقفيبي =تاخذ معي سجتن واخالف اليمه
واليا اصبح الصبح بانتبي عذاريبي=ورديت شخصاً حزين مرافقه همه
سوات من ينتظر رد المناديبي= يمر عامه ولا رد الخبر يمه
هذا وانا ارقى طويلات المراقيبي=سوات جالن تغرب عن بني عمه
الود غلاب وجروحي معاطيبي=كن الحنش في فوادي نافذن سمه
بسباب من ودها جرحي وتعذيبي=اللي لها بالحلا عن جيلها زمه
تاخذ مسافه قدم كل الرعابيبي = محدن سبقها تربع عالي القمه
ياليتها تعلم بحالي وتدريبي = وتعلم عن اللي بصدري خايف اتمه
ياوين ابا القى من يتمم مطاليبي= ويرتاح راسي من التفكير لا خمه
باسباب من لجلها كثرة مكاتيبي = والقلب سارت مع الشريان في دمه
ياليتها تعلم بحالي وتدريبي = وتعلم عن الحاير اللي داه في كمه
اللي من ايام قاسى حر والهيبي=يقفي ويقبل وبعض الهرج ماتمه
خوفاً من الخذل واهدار المواجيبي=واهل الحسد بالخبر تشيع واتنمه
في طيفها هاجس الاشواق يسريبي=لمعانقه بالخيال ويدي اتلمه
وكل الاحاسيس احس بها تهليبي =واحس في عطرها يومني اشمه
واحس كاني من احساب المعازيبي= والسلسبيل اطعمه لاراق من فمه
واثر الهواجيس تقبلبي وتقفيبي =تاخذ معي سجتن واخالف اليمه
واليا اصبح الصبح بانتبي عذاريبي=ورديت شخصاً حزين مرافقه همه
سوات من ينتظر رد المناديبي= يمر عامه ولا رد الخبر يمه
هذا وانا ارقى طويلات المراقيبي=سوات جالن تغرب عن بني عمه
الود غلاب وجروحي معاطيبي=كن الحنش في فوادي نافذن سمه
بسباب من ودها جرحي وتعذيبي=اللي لها بالحلا عن جيلها زمه
تاخذ مسافه قدم كل الرعابيبي = محدن سبقها تربع عالي القمه
ياليتها تعلم بحالي وتدريبي = وتعلم عن اللي بصدري خايف اتمه