اشوف بعض الناس منى تهرّب ،،!!

[داعي الشوق]

من واقع منظور ،،
مع التحيــة لكــم



اشوف بعض الناس منى تهرّب = لا جيت بالمجلس على غير ميعاد

كن الوضع بينى و بينه مكهرب = لا شافنى قام يتعذر للافراد

يقول ابمشى لجل وقتى مقرب = عندى دوام الصبح تعبان بزياد

مدرى علامه صار نهجه مغرب = مثل الذى يجفا و لاهوب وداد

كان الخطا منى عليهم تسرب = من غير قصد فالعذر جاه منقاد

وان كان به علم علينا مجرب = لا عاد يومن كان نحسبهم اجواد

مانى على طرد المقفين اطرب = ولا خبرت النفس للناس تنقاد

ما يحسَب المعقول مثل المخرب = ولا الذى مفتون بالهرج قصاد

هذا جوابى شاهد بكل مضرب = العذر منكم ياهل الجود وامجاد