مساجلة شعرية.،.،.،.،.،.،.،.،تفضل بالدخول

[عبدالعزيز العمار]

بسم الله الرحمن الرحيم

السلام عليكم

احب اقدم لكم هالمساجله بيني بين اخي خالد بن محمد المحفوظ

إليكم الروابط صوتيه


http://up.fatahilah.com/up//uploads/d6b8e9ae4b.mp3

اضغط هنا (http://up.fatahilah.com/up//uploads/d6b8e9ae4b.mp3)


المساجلة كتابة َ


هل الغمام اللي سقى دار الاخيار=دار ٍ غلاها وسط قلبـي وطنهـا
وعمّت به الخيرات في كل الاقطار=واسترسلت همّالهـا مـن مزنهـا
عبدالعزيز بن سعد بن عمار



أعوم في بحر القوافي والأشعار=وارسي على شخص ٍ بيوته وزنها
نبراس يانازي على كل من طار=خففت عن درب الجزاله محـنــهـــا
ورثت شعّـار ٍ وخاويت شــعّــار=سيرتك في بيت القصـايد سكـنـــهـا
سمّـوكم العمّار لإن أنتم إعـمار=عمرتو ابيوت القصيد بزمـنــــهــــا
محمد ولد راشـد يطرّبك لا ثـار=خلّــد قصايد تبسطك في لحــنــــــهــا
واليوم شفنا من مـثايله طـيّـار=لا طار في بحر القـوافي ضـمـنـــها
خالد بن محمد المحفوظ
1428هـ

الرد :


أهلن هلا بالشاعر اللي لـيـا ثـار=جاب القوافي غاليات ٍ ثمـنها
يا مرحبا بك عـد ما هلت أمطار=واعداد مايثمر من الخير منها
وحي المشاعر مابها زيف الافكار=جزل المعاني في بيوته ركنها
يالشاعــر اللي له معـزه ومـقـدار=اللي غـلاكم بالضـماير سكنها
لاهنت ياطـير السعد حـر الاوكار=ولاهان قـاف ٍ بالجزاله رونها
وارسل سلامي مع تحيات الاشعار=فيها جـوابي بالعطر حـمّلنها
عبدالعزيز بن سعد بن عمار
1428هـ