تبكي عليّه.....( التأنيب)

[صوت الإحساس]

مساكم / صبحاكم
كاديي يامن سكنتم فؤادي
أحلم وتحلم برضاكم





http://up.fatahilah.com/up//uploads/0f973b2fbe.wav





تجني على روحي وتبكي عليّه = وتجامل احساسي بكثرة ونينك
واللي جرالي منك ماهو شويّه = شف كيف قلبي طاح قدام عينك
بيدك ذبحته يوم جالك هديّه = ومن يومها كل المشاعر تدينك
أشتاقلك لكن جروحك نديه = ولو هي بكيف الشوق قبل جبينك
في كل شي يرسم ملامحك ليّه = ويحول طاري الجرح بيني وبينك
صَدْمَتْ خفوقي فيك ياهي قويّه = أقوى من اشواقك وثورة حنينك
وأن كان في قلبك من الشوق كيّه = أحرقت انا روحي وانا اسألك وينك
أناحبيبي جيت لك روح حيّه= بس انت غرّك كثر حسنك وزينك
ضحّيت لجلك وانت ضحّيت فيّه = والله لتلقاها بمقبل سنينك
باخذ معي همي ونرحل سويّه = وخلك معَ ذنبك وشف كبر دينك
الله بيرزقني على حسن نيّه = والله على تأنيب نفسك يعينك