كويت قلبي

[الـزلـزال]

بسم الله الرحمن الرحيم



( كويت قلبي )



حان الرحيل وجيت يمك بودعك = وبقول لك تكفى تصبر عشاني
ومع الوداع اليوم جيتك بسمعك = أقوى لحون الشعر فيها غواني
القصد كل القصد خلي بطمعك = عشان في بعدي تزيد الأماني
جيتك حبيبي ماقصدتك بروعك = لكن زماني عنك قاسي حداني
لا لا تقول اليوم بعُدي بيمنعك = أنك تذكر في زمانك زماني
والصاحب الي قام يمك يدلعك= يمكن سبب لجله خفوقك رماني
خله حبيبي بس يمك يمتعك= وهذا نصيبي يوم ربي عطاني
كويت قلبي بس ربي لا يوجعك= ويالله عسى مايكون خلك أناني
وتسعد معه دايم ولا يوم يخدعك= وترجع تونون وين منهو حواني
يمك قصيدي مارميته ليوجعك = لكن تفلت قام يمك عصاني
والحين جيتك غايتي بس أودعك = قبل الرحيل الي بقا له ثواني


لكم تحياتي