حكمة من حكم ابن عياد

[ضعيان البدرانى]

حكمة من حكم الشعر:مصلح بن عياد الحارثي

يالله إلـي بأمـرك النـور شعـشـاع=يادامـج الـزلات ياقاضـي الـديـن

يـارب تغفـر زلـة مالهـا سـنـاع=عليـه اثقـل مـن جبـال الامـريـن

يـوم اتذكرهـا وانــا لازم الـقـاع=قـوم وادرج راسـي يسـار ويميـن

تقـول لاهبنـي علـى الكبـد منـزاع=وإلا مصوبنـي علـى القلـب سكيـن

عزالله إني مـن عنـا الـرب مرتـاع=والنفس تجهدني على الزيـن والشيـن

يالله عساني فـي مطوعتـك مطـواع=ارب ساعدني علـى القلـب والعيـن

المرجلة ياهل المراجـل لهـا انـواع==ثـلاث واربـع يانشـامـا وثنتـيـن

خـوف مـن الله واحتـرام وتشفـاع=وحفط على رزق اليتامـا والمساكيـن

وبرالثنين اللي خـذو عنـك الاوجـاع=وسهروا على شانك من الليـل ثلثيـن

شجاعـة ماهـي شجاعـة تفـيـراع=لاولـع الشيطـان نــار الشياطـيـن

راس القريـب مالهـا فيـه مشـلاع=على العدا ماهي على الربـع الادنيـن

وصينيـة يلقابهـا الضيـف مـربـاع=ولاهزعـوا جيلانهـا بـام عصبـيـن

وبرية تشـرى مـن السـوق وتبـاع=وسوالف زينة مـن الخاطـر الزيـن

والصبر والحكمة وزينـات الاطبـاع=وامقابـل الديـان فـي حـزة الديـن

وحاذرور من كثر الغضب والتجـزاع=عنـد المصايـب واختـلاف القوانيـن

وليـا بدالـك صاحبـن فيـك طمـاع=خله يسار الـدرب وانتـه رح يميـن

واجزع طريقـت للرياجيـل مجـزاع=وخـل الدنـاوه للـرجـال الدنيـيـن

لاصار شـورك مـا يسبعـك سبـاع=مالـوا عليـك مرجحيـن الموازيـن

ليا صار مانتـه لازرق الجـم شـراع=خلـه لسبـاح يجنـب عـن الطـيـن

والحذفـه اللـي مالهـا فيـك ميقـاع=تعدها ولا تسبـر الحـذف مـن ويـن

واليا اعترض لك حذفة توجع وجـاع=رد السلف لمـدور الصـاع صاعيـن

رد ن على بعض الرياجيل فـي سـاع=خيـر مـن بكـرة وبعدينـه وبعديـن

من عاد يقضي لك لزومك ليـا ضـاع=واعجل ليا شفـت الرياجيـل عجليـن

وان زلـت الفرصـة توقـع توقـاع=ولا تقضـي قـرش غدالـك بقرشيـن

لياصار ماهي لايمـة فاقصـر البـاع=واخذ الدليـل ليـا اقنعـوك الذوييـن

طرد ورا المقفـي بعرضـك الارواع=وكثر السنـاوي مـا تملـي مواعيـن

للخـيـر تـبـاع وللـشـر تـبـاع=وحاذور تنعـس والرياجيـل واعيـن

والذيـب مايرقـد هنـي ليـا جــاع=غصب على الراعي يحوي على الضين

وصـلاة ربـي عـد ماهـب ذعـذاع=علـى رسـول الطيبيـن الموامـيـن