عقــــد لولو ..

[بندر الشاطري]

الســــــلام عليكم ورحمة الله وبركاته,,

أخواني واخواتي الشعراء جأتكم وكلي امل بأن تكونوا على احسن حال ..

اتمنى انت تعذروني على طول غيابي بسبب الضروف ..واقولكم كل عاام وانتم بخير والله

يبلغكم رمضان يارب ويعيده عليكم بالخير.. وهذا انا رجعت لمصافحتكم

بهذه القصيده اللتي اتمنى من الله ان تحوز على رضاكم ..



علموا ذاك القمر لاصار في نص الشهر=يتركد في وصوفه لايقول انه قهرها
والله انك عاكس لنور الحبيبه يالقمر=نورك اللي تستمده من سنانور بنحرها
هي شموخ(ن)في معزه في بداوه في حضر=كبرياء(ن) لويصارع دولة امريكا كسرها
في جبينك يالحبيبه ذايبه شمس الظهر=ماقوت حتى العناد اللي رضت به يوم اسرها
والعيون بسلهمتها ثورت موج البحر=وانتهابه جال رمش(ن)يبتدي فآخر بحرها
اختلط في خدها ثقل السحابه بالمطر=وارتوت منه الشفايف لين غاضت من نضرها
مزهرية جيدها شالت من انواع الزهر=وقامت تلاعب نحرها وتدفنه بأقصى شعرها
وخصرها اللي ينحنيبه كل قوس(ن) مانكسر=اتساع(ن)فيه صيق(ن) يبتعد فاقصى ظهرها
ضايقه عز الردوف المترفه بعد الظهر=بعد ظهر(ن)يلتقيبه ابعده ردف(ن) جبرها
وفخذها كنه جليد(ن) من نعومتها انصهر=من نعومتها يضيع بمشيها حتى اثرها
والله اني لو اقول بوصفها طول الدهر=ينتهي كل القصيد ولاقدر فيك يحصرها
قمت اكون من وصوفك عقد لولو وانتثر=الله يسامح قصيدي والبيوت اللي نثرها

وسلامتـــــــكمـ


اتمنى انهاا تعجبكم وتحوز على رضاكم

أخــــــوكم \ بندر الشاطري ( عـــــزام )