..هرجك صدمني وهرجي زااد حراتك..

[رفيعة الشان]

تكفى توازن والافضل عندي سكاتك=جِدالنا اليوم ما ظَني بينفعنا

عندي قناعاتي وعندك قناعاتك=طول المعاتَب وتمديده يتعبنا

ماحب اعالي ولاآداني معالاتك=إن كان حقك معك ولا مهُب معنا

كلماتي تقال ثم تقال كلماتك .!؟=ماحن بمتسابقين فشاعر المعنى .!

احسن لك تعيد وتدقق حساباتك=وتعيد حكيك معي وتوضح المعنى

هرجك صدمني وهرجي زاد حراتك=صبرك وصبري نفد والدمع يفضحنا

نسمع كلامك وسُولافك وضحكاتك=والحين يوم ان حكينا ما تسمّعنا

لابالله الا اْحسن ألك تكف شكواتك=لا تشتكي و كانِك بتشكي تضيعنا

بنصير مثل الحَلا في حلق شماتك!!=نشبة ولا ينفع ان قلنا لهم دعنا

تكفى ووقف معاناتي ومعاناتك=اما تجمّعنا أو أنك تفرقنا

وان كان مافيه حل يصد عبراتك=ويفرّح صدورنا ويسد مدمعنا

تعال ودي أنا اغفر لزلاتك=لكنه الكِبر يمنعكم ويمنعنا

تعال في وقتها والبس ال حلاتك=باجيك اودعك وانت تجي تودعنا

غسلت يدي مدام ان هذي سواتك=غسلت يدي ولا به شي يجمعنا

بس اعرف انك والا طالت مسافاتك=معنا هنيا ولا طالت بنا معنا ..!