الحـب ما يشــرى ولــو يكـثـر النــوط !!

[دايود صالح الخلف]

.. الســــلام عليـــكم ..


هذه البسيطـه امـامـكـم لعلهـا تنـال رضــاكم





يوم المولـع قلبـه اليـوم مشعـوط=قام يتذكر مــا مضـى مـن سنيــني
يذكر زمان الحب ولا يرجي اخيـوط=اتخيط قلبن صـار دربـه حزينـي
صمت وظلام ودمعتن ترسم اشخوط=على الخدود اللـي تجـر الونينـي
تضربني افكارن كما ضربة السـوط=وضلوع صدري تحمي اللي سجيني
شوط الهوى صعبن ومآبيه من شوط=لاصار خالي مـن خليـل وقرينـي
رغم إن عيني شافت البعض مبسوط=والبعض الآخر يرجي منهو حسيني
جاك القصيد وتالي الهرج مخطـوط=خذ باقي الابيـات وانسـى حنينـي
الحب مايشرى ولـو يكثـر النـوط=ولا يفلح اللي طبعه اليـوم شينـي
قلته وانا صاحي ومآنـي بخربـوط=إفهـم كـلام اللـي بعقلـه رزينـي
وختامها جف القلـم بآخـر انقـوط=جفت ولا جفـت عـروق الطعينـي
تمت وصلوا عـدّ مالبـس مخيـوط=على رسولن فـي كلامـه وزينـي



تحيـتي ومـودتي