شبّاكـ ذاكرْتيـ

[مروان الشيخ]

http://farm3.static.flickr.com/2308/2353857504_3a1abfa76e.jpg



http://up.fatahilah.com/up//uploads/77596c56a1.mp3







على شباك ذاكرتي وشرفة وقتي الغابر=جلست اناظر ايامي و اشوف ايام تنظرني
شريط يمر قدامي وانا اقراه وآكابر=انا هذا؟ انا؟ لا.. لا..! يرد الوقت: تنكرني؟
حسافه كيف دارت بي وصرت فـ : موطني عابر=وكل ما حاول اجمعني سنين العمر تنثرني
زمن لو تعصره تشرب مراره تسقي الحاضر=وحاضر كنه مرايه لماضي..قيد يأسرني
على شباك ذاكرتي بقايا حظي العاثر=طيوف آمال خانتني ونقش آلام تكسرني
اقلّب صفحه الماضي بدفتر وقتي الساخر=احاول امسح اعماقي وأكتب فجر يجبُرني
حبيبي وانت باعماقي فجر خيطه بدا ظاهر=بياض يصارع اخيوط السواد اللي تحاصرني
حبيبي قبل ما تسكب هواك العذب في باكر=كرهت اشرب مرار امسي على شباك دمرني
حبيبي والمطر حبك يغيث البال والخاطر=وينبت ورد في ارضٍ.. يباس اوراق تمطرني
حبيبي بترك الماضي واعيشك في مدى آخر=واكتب عند شباكي وداعا شك ساورني
أبـ : خْرج من لحد جرحي وباسكن ليلك الساهر=بـ: ودّع ضيق عايشني واعيشك رَحْب يحصرني
وارسم في مخيلتي على لوحه زمن غابر=حياتي بعد ما عشتك..واكيد اللي يناظرني








.