شفت القمر ياسعود ييمشي على القاع

[محمد المغيلث]

اخواني قصيده من الأرشيف لعلها ان تحوز على رضاكم



ياسعود ليتك حـاضر وقت الأقلاع= ليتك مداوم وللدواعي دواعي
وشفت الذي له شوفة تروع ارواع=ملاك ترهب من خفوقه رعاعي
من خلقتي ماشفت مثله اليا الساع=لاوالذي ماصوره باختراعي
لادرة تشرى ولاهي ابتنباع=ولاجوهره عند الحضارم تباعي
كوكب توهج للعقل تهلع اهلاع=لو شفتها يمكن يصيبك هلاعي
شفت القمر ياسعود يمشي على القاع=وخلا مداره والخلايق تراعي
يذهل ابمشيه يخلف الخلق لاباع=ماهو سريع ولاخطى باندفاعي
له مشيتن واليا مشت توجع اوجاع=فتنه اتحير من نظرها ابساعي
من هامته لكتوفها كنها اذراع=قام ايتمرجح راسها بانهزاعي
زوله خيالي خطوته ماهي اصناع =ومال التصنع عندها اي داعي
صوره رسمه الله وابدع به ابداع=وسبحان منهو للخلايق يراعي
والله ينا من شفتها صرت ملتاع =وياسعود خالك من سببها ايلاعي
ياسعود فتنه سببت كسر الاضلاع=وغير الكسر كثرت علي الوجاعي
واعيوني اللي حرقتني بالادماع=ساعت دعتني واشرت بالوداعي
بلعت حبه والولع لين الاشباع=ولاضنتي ياتي علي المجاعي
وشربت وده ماتجغمت بكماع=ولاظن ابضمى لو قطنت المراعي
وجسمي تسمم والعظم مابعد ماع=وبالله وشو سمكن يالافاعي

___________________

لكم تحياتي