تبخر يا ندى قلبي وتكثف

[مجدي صالح المبارك]

كتبت هذه القصيدة على ضوء موضوع درسناه في المرحلة الثانوية ( قبل 17 سنه تقريباً) وهو موضوع عن تحولات المادة في مادة الفيزياء ( التبخر , التكثف , التسامي , الانصهار ) ولكن وجدت ان هذه التحولات لاتنطبق فقط على المواد ولكن حتى قلب الإنسان تمر به نفس التحولات , تقبلوا مشاركتي الأولى بينكم هذه وآمل ان تنال استحسانكم



تبخـر يانـدى القلب وتكـثـف=تسامى في سما العشاق واصهـر
حشاشة مغـرمٍ هايـم ومرهـف=الى طر الشميـط سنيـن يسهـر
تململ منـه نجـم الفجروالتـف=حزام الكحل عـن تنـور يسعـر
يبس قلبه وحتى الشـوف انكـف=وخطاه العرَجا برجليـن تجتـر
من همومٍ حطيمه صار ينـزف=وجرحه جاور الجـوزاء واسفـر
كوابيس و وساوس نفس تنسـف=عمامة عازف المزمـار لازهـر
هزار العمر لو فـي فـي وقـف=بقول اني حظيـت بحـظٍ اوفـر
ولكن من سموم الهجر والعصـف=ومن برد الشعـور وحـالٍ أبتـر
تناثـر ريشـه الفتـان وانكـف=عن التغريد ساد الجـو عنتـر
على روض وفضـا أن وتأفـف=هوى فوق الثرى وفوديـه عفـر
على قلبي مشيـت سنيـن اذرف=من آماقي غسيل الروح الاطهـر
اواسـي مقلـةٍ وشلـه واكفكـف=بأكمام الثيـاب خضـاب أحمـر
وانسج من شعاع الشمس رفـرف=واغطي به عنا الأشـواق واستـر
على حبٍ تركه الوقت صفصـف=نشب نابه ومنـي شـق منحـر
تعبت من الهوى بالصمت الأجوف=وتعبت من الندا بالصوت الأجهر
فلا قبر السكوت بقلبـي انصـف=ولا فـاد الصيـاح بحـيٍ أقفـر
نصيبي من جفى الأيـام أحنـف=وحظي من رداة الوقـت أعـور
عديل الروح فيني بوح زخـرف=على جدار الأسى أطـلال منبـر
تربـع صهوتـه قلبـي وتأسـف=إذا جاك بخطـا او يـوم قصـر
بسم ذاك الهوى العـذري تحلـف=تسامـح زلتـه تعـذر وتغفـر
واذا جن الهوى المكنـون ارئـف=على خلٍ كما العرجـون مصفـر
ترى مافي جناني عرق يهـرف=ولا اقـدر ابـوح بشـيٍ اكثـر
لأن المـوت للمحـزون أشـرف=من الذل الذميم الحانـي الاكبـر
بعض الكلمات التي قد تكون غير معرفه لدى البعض :
الشميط : الصباح
الكحل : الليل
هزار : الطير
عنتر : الذباب , وتأتي الشجاع
الفود : جانب الوجه
الوشله : العين قليلة الماء
رفرف: الرقيق من الديباج
صفصف: الأرض المستوية
العرجون: عذق النخلة