ساجي الطرف

[نجم الإبداع]

ياساحر الطرف لولا حبكم ماكنت حنيت =ولا تعنيت يم ادياركم واتعبت روحي
لامن ذكرتك وانا خالي بنار الوجد ونيت=اقنب كما الذيب واداري عن العالم جروحي
ياتاج مانالك الا قلب صادق طيب الصيت= من طيب عودك ملكت الحر يالترف السموحي
انا اشهد انك ملاك وعاشقك في حبكم ميت=يكفي غرامك بقلبي يابو الحسن الرجوحي
انت الذي جيت يافتان وعلى ماتمنيت = وانا عشقتك وعطرك في سماء حبي يفوحي
اكيد حبك سبى حالي وعقبك ماتهنيت=ماغير افكر بوصلك وانتظر واشقى بنوحي
اساهر النجم وارقب صورتك لارحت او جيت=بين الكواكب يناجي البدر وجهك بالمزوحي
يكفي غرامك بقلبي يشهد الله ماتجنيت = واهل الردى من رداهم جعلهم بين القروحي
الي حسدني على حبك بتياره تكويت= باقرى عليه الفلق والناس ماهو لي نصوحي
عله يجيه العمى ويصير مقعد داخل البيت=يريح الناس من خبثه وترتاح الصروحي
اما انت يافاتني يحفظك ربي مالهلافيت = ياذوق فوق البشر يختال يامرضي طموحي
ياعود بان التوى حول الخفوق وبه تهنيت=مجار من نظرة الحاسد ومن كيل الجموحي