مثامين العرب

[ناصر عبيد الهواوي]

ياوقت ضاعت مثامين العرب وش بقي=اللي حصل به كفايةويش ودك يصير
مية من البل دية رجال وضح النقا=ومية رجل هالزمن ماجوا ثمن للبعير
ضعنا وشفنا القهرفي هالزمن والشقا=الفرس عزوا ومقدار العرب جا حقير
انهوا حماس اليهود اليوم والك البقا=والى الله المشتكى نعم الولي النصير
عيون مكة وطيبةدمعها رقرقا=وصنعاء تجهز ونجد مطري ٍللمغير
وتنوح فسطاط مصروتنتحب جلقا=وتصيح بصرى وللبتراء بالأردن جغير
ولا احد ٍ وقف للعدو قبل أمس وقت اللقا=حارس مباني وزارة ما يعادل وزير
للعز بالوضع هذا ما اصعب المرتقى=قد حدنا عن بلوغه بوش وايا بلير
عالم ركز سلم التصنيع ثم ارتقى=والكوريا صار عند الغرب شأن ٍ كبير
ايران والغرب في عال الفضاء حلقا=وحنا بهرنا قطار الموت عند الحكير
كنا جبل شامخ ٍمن خاف فوقه رقا=والى ومرنا أمر لابده يتم ويصير
وان ضيم شعب استجار بدارناواتقا=وكنا نغيث الصريخ ونمن المستجير
وكنا وكنا وصار بدربنا مزلقا=يمنى عثرها شلل والعضد الأيسر كسير
والليث وده يثور ويزأر ومزهقا=ولا يأمن انه يشور ولا يثق بالشوير
توذيه بالقمة اذناب الثعال اشققا=يدري بهم كل شخص بالسياسة بصير
وشلون يأمن لقوم ٍ من زمان افرقا=وبكل دولة يداوم لليهودي سفير
له رأس ما ينحني للذل لو هو هقا=انه يحصل من الأمة عوين ونصير