جمر الموارج ماوجل ساهجها

[نجم الإبداع]

http://up.fatahilah.com/up//uploads/4e03d7d9cb.mp3


جلجل جلاجل لاجم اوج الجالي=ولاجلى جلجيل من والجها
بخور جاوي ثار من مرجالي=في ليل ساجي فج بمعارجها
لاهل الوفاء والطيب واضح جالي=والضيقه الله الولي فارجها
المر لامن جاك عقب الحالي=تشين حتى الأبل بمرامجها
فكرت فيما صار واشغل بالي=وقمت بين افكاري ادرجها
ماشفتها تسوى ولا خلخالي=وش لي بكلمه قالها هارجها
هني منهو في خلاه الخالي=لاضاق صدره سج بمباهجها
مايسمع الا صوت ورق وسالي=وصهيل خيلٍ للهوى سارجها
والله ان دنيانا صدى الترحالي = وش فايدة حسراتي ابرمجها
زلّة رفيق الدرب طِيِب الفالي=ماهوب انا الي بالردى دمّجها
وانا بشر اخطي واصيب وبالي=احيان ينسى رميه اممنهجها
ارمي بعيد وبعظهم يبرى لي=نص اجتماعي ثار من واهجها
ميه من الياقوت ماتنشالي =ماقلتها الا من صدى مارجها
وشب المحلل بالرداة اوما لي=ليته قراها قبل مايخرجها
حقبه من التاريخ في مرسالي=علام بعض الخلق وش راهجها
فيها صوّر متلونه واشكالي=يصيب من يحمل ردى داهجها
الوزن مايخفى على الكيالي=كونكورد والا ميج بمدارجها
ماني من اليابان والا مالي=حروف شعري تنبي امخارجها
جلا جلا ياجيل عن جلجالي =جمر الموارج ماوجل ساهجها