أحتويني

[عبدالناصرالعالي]

السلام عليكم ورحمة الله وبركاته






جيتك أمانه أنقذيني من الخوف = خايف بدونك والشتاء محتويني
شوفي شفاتي فوقها ترجف حروف = حروف منها {من الشتاء أحتويني}
ضمي ضلوعي الوله يحرق الجوف = وأضح على نظرات عيني حنيني
جيتك طفل خجلان بالحيل مكسوف = فكي يدينك وقربي وحضنيني
انتي دفاء بردان وثيابه الصوف = انتي حنانك جمر فيه احرقيني
من السهر .. والخوف .. والبرد .. ماشوف = على ذراعك لاغفيت اتركيني
قولي طفل جاني من البعد ملهوف = من الشتات المر فيك أجمعيني
وأضح على وجهي من البرد مخطوف = شوفي بدونك كل شيٍ يبيني
مدام جيتك والمجي كله أظروف = خايف بنفس الشارع أترجعيني
جيتك أمانه أنقذيني من الخوف = لاتتركيني والشتاء محتويني