ياليت ما جيت للمشراف

[سعد الشقحاء]

ياليت ما جيت للمشــــــراف= وياليت يالرجم مــــــا جيتك
ذكرتني ماضين قد طـــــــاف=لا ضاق صدري تنصـــــــيتك
اشكي وبي منك الانصـــــاف=ويطول وقتي ولا وحيــــــتك
حزني على كامل الاوصـــاف=ليتك تقدره يا ليــــــــــــــــتك
لو شفت زينه ورجمك شــاف=ان كان بالحزن انا عديـــــتك
ولاجيت يمي وفيك اشعــــاف=مشعوف مثلك وضميــــــــتك
مانيب اجنب عن الميقــــــاف=تركت نفسي وبــــــــــــــديتك
زين الوصايف ترى مــا عاف= لو عاف يالرجم خلــــــــيتك
اتركه لو كان قلـــــــبي راف=وما كان يالرجل انا شقــــيتك
الارض له مرقدن والحـــــاف=ومن شان مرقده حبــــــــيتك
نصايب القبر مــــــــنك تشاف=لو كان لك عين وريــــــــــتك
واليوم انا جيت لـــــك ميـلاف=جيتك بسليك وبكــــــــــــــيتك
كنت احسب انها عليك اخفاف=يا الضلع والله تقاويــــــــــتك
كيف الرواسي تصير اضعاف=شفني على الحزن عديــــــتك
يالقبر انا شوف خدك جــاف=ولو تدمع العين لسقيــــــــــتك
مدامع العين جاها اعجـــــاف=خمسة عشر عام ما غفيـــتك
وذلحين رجلي على المهيــاف=ومليت مني وملـــــــــــــــيتك
الحزن خلاء العظام انـحــاف=وتعبت يالرجل وحفــــــــــــيتك
لكن بوصيك يالمشــــــــراف= دخيلك القبر ووصــــــــــــيتك